Apòstel Limpiadó!

Ki dia nos por traha un afsprak pa nos bini huntu i papia i laga dios hasi loke e ke hasi pa nos dos? Hopi di nos riba mundu aki tin difikultat pa hañá nos propósito. Ami no ta un eksepshon. Esei tabata te ku awe mainta! Awe mainta mi a subi Facebook i mi propósito a manifestá su mes na’mi. Mi ta bai lanta un iglesia. E nòmber di e iglesia mi no tin ainda pero mi sa si ku e palabra “selestial” ta bai forma parti di dje. Ami mes lo bai pone e palabra “apòstel” dilanti mi nòmber pa no tin konfushon! Algun di e regla nan si ma pensa kaba i nan ta lo siguiente:

1: Septimo na luga di diesmo! Mi sa ku tempu malu kemen mi ta ba un ko afo.

2: sirbishi ta bai ta kantu di laman públiko, “dresscode” ta trahe di baño! Dikon? Na promé lugá, Asina aki no tin gastu di hür òf mantenshon di edifisio. Banda di esei Dios a bendishoná bu ku un kurpa bunita i ami komo su Apòstel a wòrdu inspirá pa mustra bu ku ta un blasfemia pa tapa dios su kreashon ku demasiado paña nan mundano! #Lessismore

3: No ta bai tin gastamentu di plaka na “zalf”! Dios a bendishoná nos tur ku un krema sagrado kaba paden di nos kurpa, dikon no hasi uso di esei pa hunta riba bo parti nan priva? #keepitnatural

4: Por atmití solamente 15 persona den e iglesia (tur di sekso femenino). Kada bula un dia lo mi pasa na kas di un siguidó pa asina limpi’e  purifik’é  saka spiritu malu for di su kurpa. E proseso aki lo ripití 1 bia pa luna den kuadro di mantenshon di e spiritu maligno nan pafó! Pa por keda garantisá un ‘bon servisio’ asina ki lamentablemente mi no por aseptá mas ku 15 dama. Ami lo konsehá bo yega trempan pa bo “bebe awa limpi”.

Ta asina ki awendia kualke charla tan, abusador, maniak òf pedofil sin eskrupulo por yama su mes apòstel, kuminsá su iglesia anto bira riku den e proseso. Siguidó nan mes ta kue nan yu nan hiba pa nan djadumingu mainta! Esei t’e bonus! Pa esun nan ku e ta konserní: ta basta awor! Si ta Mester bo mester ta den un misa por fabor hasi sikiera bo hùiswèrk riba ken e pastor ta.

Anto pa esnan ku ta interesá na apliká pa drenta mi iglesia semper kòrda: Ta un risiko mi ta kore komo pastor, pero mi ta hasi’e pa ABO 😉

#Pordonami #ZalfboBody #EnterJesus

Bo ke mas koi lesa? Like i Follow nos pagina riba Facebook. Konsenshi

1 thought on “Apòstel Limpiadó!

  1. Hopi hende awendia despues di konose mundu i hasi tur maldat ku nan tabata por den mundu, ta kwe kaminda di cristu pa skonde nan maldatnan komete den mundu, alfinal nan ta resulta mesun bagabundo den e kaminda di cristu.! Hende tin ku siña ser nan mes i duna nan mes na cristu sinseramente sin tin ku skonde tras di otro religion pa hasi esey😳😳… mi pensamentu personal ta…MI NO TA KERE DEN NIUN DI E RELIGION NAN EY.! Mi ta kere den un relashon personal i direct ku Dios.!

Leave a Comment

Or

Your email address will not be published. Required fields are marked *