Ken nos ta?

Jason nunka a krusa e kaya e ta bin di e Otrobanda

Nase den St. Elisabeth Hospital, m’a biba te ku 5 aña na St. Helena,
despues ami, mi ruman chikí i mi mama a muda bai Baraltwijk.
Kaminda mi a biba te ku mi 17 aña, ora ku mi a emigrá pa Hulanda.

Mi a atendé skol básiko Coromoto College, i sekundario Maria Immaculata Lyceum

Mi a biba na Hulanda di 2000 pa 2007. Un eksperensiá ku a kambia mi kompletamente komo persona.

Na Hulanda mi a kuminsá skirbi poema ku despues mi a kuminsá eksperimentá ku rap. Te awe esaki ta mi hòbi faborito. #stimarima

 

For di 2012, mi a kuminsá un proseso di emansipá mi mes kual ta konsistí di revaluá mi kustumber, kreensia i pensamentunan. Durante e proseso aki mi a bin siña ku hopi kos ku mi tabata kere den dje o ku mi tabata pensa ku mi sa tabata eróneo.


Pa e motibu ei mi a disidí di kuminsá ku e blòg aki, pa kompartí mi deskubrimentunan i pensamentunan.
Un kombinashon di pensamentu krítiko, humor i bastante sarkasmo.

Mi ta spera ku e informashon ku bo risibí riba e blòg aki, por yuda bu den bo proseso pa emansipá.

Saludo,

JF

————————————————————————————————————-

Skip to toolbar