Segun estudionan, awendia teenernan ta haña mayoria di nan edukashon seksual via websait nan manera Pornhub, Boysfood.com y gangbang.org (tende mi a tende!). Pero den mi tempu no tabatin Smartphone, anto Miros video tampoko no tabata hür e video edukashonal nan aki ku mucha hòmber kurioso i bou di edat manera mi! Komo mucha di Buena Vista ku mayornan bastante konservativo no a kedami muchu otro opshon ku no ta akudí na e Kolegio Bo’i Palu.
Manera tur entidat edukashonal respetá e sentro aki tambe tabatin su grupo di tutor i su lista di reglanan ku kada alumno mester sigui. Mi dosentenan tabata tin alias nan manera;“Juni Base” (ku no sa hunga baseball), “Dòbel Dòbel” (Juni su man drechi) anto mi faborito personal “Spanta para”. Nan tabata gainan mas grandi den mi bario ku di un òf otro manera tabata fungi komo mi ehèmpel nan.
E reglanan tabata entre otro (diskulpá e lenguahe):
- “Kòrda bon, ta ‘p*ta’ nan tur ta”,
- “No hunga pa tuma”,
- “Laga t*nto pa ken?”
- “Dal nan sla’i p*tin”.
Básikamente bisando ku na momento ku mi logra konkista un mucha muhé ku mi gusta, mi tin ku sòru di no haña sintimentu p’e, sèks e duru anto hasi mi máksimo esfuerso pa sèks mas tantu hende muhé ku ta posibel. Lástimamente mi tin ku atmití ku pa basta aña di mi bida sierto konsehonan di “Dòbel Dòbel” i sobra a keda huntu kumi.
Sintiendo mi mes insigur kada bes kumi buta mi “set” nan di 12 minüt, mi ta kòrda kla kla kon “Spanta Para” tabata konta bo’i palu kon e ta: “KEDA BATI e ko’nan te mainta”. Danki na Google ma bin haña sa, añanan despues, ku e promedio di durashon di penetrashon ta 9 minüt. Imaginá bu, tur e tempu mi tabata deleitá damanan ku 3 minüt èkstra sin sa!
Di e manera aki mi por sigui duna mas ehèmpel di kosnan ku mi a siña bo’i palu tokante sèks i relashon pa ku hende muhé en general ku no ta kuadra ku realidat. Loke mi ke sa ta kuantu di nos tabatin figura nan asina ki den nan hubentut? Sea ta un primu, ruman grandi òf e tio buraché. Kon ta e mihó manera pa eduká nos hóben nan riba e tereno di intimidat? Pa ami portá ta lat kaba, pero kon nos ta bai tene e siguiente generashon leu for di e garanan di “Spanta Para”?
Facebook: Paterson Acosta