Rumannan sinta ketu,
pa nos pensa un ratu kon ta bai kambia bringamentu pa siñamentu,
Tiramentu pa pintamentu, talento ta nos I nos ta talento,
Ban usa esei na lugá di kosnan violento na kada momento.
Laga nos pensa un ratu I wante fiver,
paso manera kualke lider, bo tambe por ta Tula, ba nase liber.
Ban kibra kadenanan mental I liberá nos mes,
I na lugá di warda riba otro intentá bo mes,
Sa ken bo ta I konosé bo pais,
Buska bo historia I rekonosé bo rais.
I p’sei mi tin ku, kòrda bu riba djesshete nobent’i sinku
Ora ku Tula a lanta, tur a lanta,
Luchadónan ta keda lucha aunke e kurpa spanta.
Ban forma un moketa pa alkansá nos meta
Kere den nos mes na luga di sierto profeta
Ku Union no tin kuent’i ken ta promé o ken ta di dos,
Ta formashon di un forsa pa protegá e tera di nos.
Lanta ariba rumannan pa kos por kuminsá kana,
Nos ta herida, a yega tempu di kuminsá sana.
Bo por siguimi riba ret sosial,
Facebook: Jason Fullinck
Instagram: @konsenshi